Аввал хабар қилинганидек, Акциядорлик жамиятлари фаолияти самарадорлигини ошириш ва корпоратив бошқарув тизимини такомиллаштириш Комиссиясининг 2015 йил 31 декабрда ўтказилган йиғилишида (2016 йил 11 февралдаги 02-02/01-187-сон Баённомаси) Корпоратив бошқарув кодекси тасдиқланган.

Мазкур Кодексда акциядорлик жамиятлари томонидан Ахборот сиёсати тўғрисида низом, Ички назорат тўғрисида низом, Дивиденд сиёсати тўғрисида низом, Манфаатлар қарама-қаршилиги вақтида ҳаракат қилиш тартиби тўғрисида низом, шунингдек Кодексни жорий этиш талабларидан келиб чиқиб, жамият Уставига тегишли ўзгартиришлар киритиш бўйича тавсиялар назарда тутилган.