Мамлакатимиз бўйлаб анъанавий тарзда ўтказилаётган "Юрт ободлиги, аввало, маҳалладан бошланади!" шиори остидаги умумхалқ хайрия хашарида Наманган вилоят давлат активлари бошқармаси ходимлари ҳам фаол иштирок этмоқда.
Ҳашар доирасида ходимлар томонидан бошқарма биноси ва унинг атрофлари, ҳудудларида кенг кўламли озодалик ва кўкаламзорлаштириш ишлари амалга оширилмоқда.
Янги дарахт ва гул кўчатлари ўтқазилиб, мавжуд яшил ҳудудларга ҳам чиройли кўриниш берилмоқда.
Бу каби ташаббуслар жамоатчилик орасида аҳиллик ва ҳамжиҳатликни мустаҳкамлаш, атроф-муҳитни янада обод қилиш, соғлом турмуш тарзини қарор топтиришда муҳим омил бўлмоқда.
